Kristín E. Sveinbjörnsdóttir leikskólakennari, eða Kittý eins og hún er kölluð, er deildarstjóri Fjörudeildar. Kittý vinnur frá kl. 8-16. Kittý er sem stendur í leyfi frá störfum.

Netfang Kittýar er This e-mail address is being protected from spambots. You need JavaScript enabled to view it.

Steinunn Sandra er deildarstjóri á Fjörudeild í fjarveru Kittýjar. Steinunn er með BS-próf í sálfræði frá HÍ. Steinunn hóf störf í Ægisborg í janúar 2020.

Aldís byrjaði í Ægisborg í september 2017. Hún varð stúdent frá Kvennaskólanum 2012 og er í fullu starfi á Fjörudeild.

Ragnhildur Íseifsdóttir, eða Ragga eins og hún er kölluð, hóf störf í Ægisborg í október 2018. Hún er í hlutastarfi á Fjörudeild.

Heiða Kristín hóf störf á Fjörudeild í ágúst 2020. Heiða brautskráðist sem leikskólakennari vorið 2021. Hún er í fullu starfi í Ægisborg. Áður starfaði hún á leikskólanum Klömbrum. Þar var hún meðal annars deildarstjóri á elstu og næst yngstu deild og aðstoðarleikskólastjóri frá mars 2019. Í grunninn er Heiða Kristín með BA gráðu í tómstunda- og félagsmálafræðum frá Háskóla Íslands sem og MSc gráðu í stjórnun frá Háskólanum í Lundi.

Mary Partice hóf störf í Ægisborg í september 2020. Hún er í tímavinnu/afleysingastöðu og kemur inn á þá deild sem þarfnast hjálpar hverju sinni.

Glóbjört Líf Bjarnadóttir er starfsmaður á Fjörudeild. Hún byrjaði í Ægisborg í ágúst 2020.

Í vikunni fóru börnin á Fjörudeild í fjöruferð í tilefni af Degi íslenskrar náttúru. Þar var margt að sjá! Krabbaklær, fuglafótspor í sandinum, sjór, þang, þari, skeljar og steinar og komu vasar heim fullir af allskonar gersemum úr fjörunni. Þetta voru fyrstu ferðir deildarinnar í vetur og æfðu börnin sig í því að leiðast, passa upp á félaga sína og fylgja umferðareglunum.

Stundum er sagt að myndir segi betur frá en mörg orð. Það á örugglega við í mörgum tilvikum og á meðfylgjandi mynd eru tvö börn í Ægisborg að leik. Leikur er dásamlegt fyrirbæri, en þar fá börnin að spreyta sig á því sem þau sjá í samfélaginu meðal annars. Þau skilja það sínum skilningi, vinna með það í leiknum og glöggva sig betur á hlutverkum samfélagsins og samskiptaháttum. Hvernig sýnir maður barni sanngirni eða samkennd? 

Kátir krakkar af Fjörudeild lögðu leið sína í Háskólabíó á barnamenningardögum. Þar var margt að sjá og bralla, m.a. leika sér með liti. Ekki var amalegt að hitta á sjálfan forsetann í leiðinni. Guðna þótti sjálfsagt að vera með börnunum á mynd og nefndi að hann þekkti Ægisborgargarðinn vel, þar sem hann kom þangað stöku sinni með börnum sínum þegar hann bjó á Seltjarnarnesinu. Annars þótti börnunum nú mest spennandi að fara í strætó!

Við skelltum okkur í fjöruna og þar var nú margt að sjá. Við fundum meira að segja flöskuskeyti sem þarf að rannsaka frekar og betur. Steinarnir voru óteljandi og allskonar dýr. Þetta má sjá betur á myndasvæði Fjörudeildar.

Undanfarið höfum við á Fjörudeild unnið mikið í ferilmöppunum okkar. Kisuhópur byrjaði fyrir nokkru að vinna verkefni um tröll og það hefur gengið mjög vel. Tengt því verkefni hafa verið lesnar ýmsar tröllasögur eins og Ástarsaga úr fjöllunum í samverustundum. Börnin hafa einnig sagt okkur frá tröllum sem oft virðast leynast á ýmsum stöðum.